టీడీపీ అధినేత బస్సు యాత్రను విజయవంతం చేద్దాం... -మాజీ మంత్రి పల్లె పిలుపు
సర్కార్ టీవీ న్యూస్ / శ్రీ సత్యసాయి జిల్లా : పుట్టపర్తి / మహానాడు వేదికగా తెలుగుదేశం పార్టీ అధినేత చంద్రబాబు నాయుడు ప్రకటించిన భవిష్యత్ కు గ్యారెంటీ మేనిఫెస్టోను ప్రజల్లోకి విస్తృతంగా తీసుకు వెళ్ళాలనే ఉద్దేశంతో జోన్ 5 పరిధిలోని అయిదు పార్లమెంట్ నియోజకవర్గాల్లో శుక్రవారం నుండి బస్సు యాత్ర ప్రారంభమై శనివారం పుట్టపర్తి నియోజకవర్గంలో యాత్ర కొనసాగుతుందని మాజీ మంత్రి పల్లె రఘునాథ రెడ్డి పేర్కొన్నారు. ఈ మేరకు ఆయన శుక్రవారం మీడియాతో మాట్లాడుతూ మొదటి రోజు కదిరి నియోజకవర్గంలో ఎంతో విజయవంతంగా పూర్తి చేసుకుందని నేడు అనగా శనివారం ఉదయం 10 గం "లకు నల్లమాడ మండలం బుగ్గల పల్లి వద్ద బస్సు యాత్ర ప్రారంభమై గోపే పల్లి మీదుగా నల్లమాడ మండల కేంద్రంలో టిడిపి హయాంలో జరిగిన పలు అభివృద్ధి కార్యక్రమాలను పరిశీలించడంతో పాటు ప్రజలు వైకాపా పాలనలో ప్రజలు ఎదుర్కొంటున్న సమస్యలు పై వినతి పత్రాలు స్వీకరించి అక్కడి నుంచి వెంగలమ్మ చెరువు మీదుగా వీరజిన్నయ్య గారి పల్లి వద్ద భోజన విరామం ఉంటుంది అన్నారు.అక్కడి నుండి పుట్టపర్తి టిడ్కో గృహాల పరిశీలన, పుట్టపర్తి చెక్ డ్యాం పరిశీలన అనంతరం బుక్కపట్నం మండల కేంద్రం చేరుకుంటుందని వివరించారు. అనంతరం టిడిపి హయాంలో మంజూరైనప్పటికి నిర్మాణం చేపట్టకుండా మధ్యలో ఆపేసిన ప్రభుత్వ డిగ్రీ కళాశాల పరిశీలన మరియు చంద్రబాబు నాయుడు గారు బుక్కపట్నం చెరువు కట్టపై ఆవిష్కరించిన పైలాన్ పరిశీలిస్తామని వివరించారు. అనంతరం చెరువు కట్ట మీదుగా కొత్త చెరువు మండల కేంద్రం చేరుకొని బహిరంగ సభలో పాల్గొంటారని అన్నారు. అదే రోజు రాత్రి పుట్టపర్తిలో పల్లె నిద్ర కార్యక్రమం చేపట్టడం ద్వారా పుట్టపర్తి నియోజకవర్గంలో బస్సు యాత్ర ముగుస్తుంది అని వివరించారు.ఈ యాత్రలో అన్ని అయిదు పార్లమెంట్ నియోజకవర్గాలు నుంచి అందరూ అధ్యక్షులుతో పాటుగా నియోజవర్గ ఇంఛార్జిలు, ప్రస్తుత మరియు మాజీ ప్రజా ప్రతినిధులు, తెలుగుదేశం పార్టీ నాయకులు అందరూ పాల్గొంటారని, కావున పుట్టపర్తి నియోజకవర్గంలో ఈ కార్యక్రమం ప్రతిష్టాత్మకంగా నిర్వహించడానికి అన్ని ఏర్పాట్లు చేస్తున్నట్టు వివరించారు.పుట్టపర్తి నియోజవర్గంలోని ఆరు మండలాలు మరియు మున్సిపాలిటీ నాయకులు కార్యకర్తలు ప్రత్యేక శ్రద్ద తీసుకొని పని చేయాలని, అధినేత ఆదేశించినట్టు ప్రతి అంశాన్ని ప్రజల్లోకి తీసుకెళ్లడానికి ఇదో మంచి అవకాశంగా సద్వినియోగం చేసుకోవాలని పిలుపునిచ్చారు. ప్రజలని పెద్ద ఎత్తున భాగస్వామ్యులు చేయడానికి కార్యకర్తలు కృషి చేయాలని కోరారు.
-----------------------
Admin
మరిన్ని వార్తలు
.jpg)
.jpg)
1.jpeg)
.jpeg)
.jpeg)
Developed By :
