ఐ.కె.పి.,పి.ఏ.సి.యస్. సంఘంలో జరిగిన అవకతవకల పై విచారణ చేపట్టాలి...
సర్కార్ టీవీ న్యూస్ / సూర్యాపేట జిల్లా : ఐ.కె.పి. 2020/2021వ సంవత్సరము నందు చిల్లేపల్లి పి.ఏ.సి.యస్. సంఘం నందు జరిగిన అక్రమ అవకతవకల పై సూర్యాపేట జిల్లా కలెక్టర్ ఎస్ వెంకట్రావు కు వినతి పత్రం అందజేశారు... పి.ఏ.సి.యస్. చిల్లేపల్లి సంఘం డైరెక్టర్లు మరియు సంఘ రైతులు కలిసి కలెక్టరేట్ ముందు నిరసన అనంతరం వారు మాట్లాడుతూ మా సంఘములో ఐ.కె.పి. 2020/21వ సంవత్సరములో ధాన్యం ఐ.కె.పి. ద్వారా రైతుల నుండి కొనుగోలు చేసినారు. అట్టి ధాన్యం మా సంఘ పరిధిలో ఉన్న రైతుల నుండి కొనుగోలు చేయవలసి ఉండగా సంఘ చైర్మన్ మరియు సి.ఇ.ఓ., మిల్లు యాజమాన్యం వారితో కుమ్మక్కై దాదాపుగా 1,25,772 బస్తాల ధాన్యం కొనుగోలు చేసి మా సంఘ పరిధిలోని రైతులు కాకుండా వేరే ప్రాంతం రైతుల పేర్ల పైన సంబధిత బిల్లులు తయారు చేసి సంఘచైర్మన్, సి.ఇ.ఓ.లు కలిసి సొమ్మును స్వాహా చేసినారు. ఇట్టి విషయమై మేము సంఘం యొక్క డైరెక్టర్లు,సి.ఇ.ఓ.కి అడగగా ఇట్టి విషయములో మీకు ఏలాంటి సంబంధం లేదు. మీకు ఎలాంటి నష్టం కూడా లేదు అని నిర్లక్ష్యంగా సమాదానం చెప్పడం జరిగినది. దీనిపై పేపర్లలో వార్తలు వచ్చినాయి. కానీ గతములో కూడా మార్ఫెడ్ కు చెల్లించాల్సిన నగదును చెల్లించకుండా వాడుకున్నారు. ఆ తర్వాత ఆడిటర్ వారి హెచ్చరికతో పై అధికారులు ఆదేశించగా మార్ఫైడ్లో వాడుకున్న 5 లక్షలు చెల్లించినారు. కావున మా యందు దయవుంచి కె.వి.పి.లో అమ్మిన రైతుల బ్యాంకు ఖాతాలో జమ అయిన వాటిని తిరిగి చైర్మన్, వారి బంధువుల ఖాతాలోకి వెళ్ళినవి. ఇట్టి విషయముపై సమగ్ర విచారణ విచారణ జరిపి, చైర్మన్, సి.ఇ.ఓ. లపై చట్టపరమైన చర్యలు తీసుకొనగలరని సహకార సంఘం డైరెక్టర్లము మరియు రైతులము కోరుతున్నాము. ఇట్టి దర్యాప్తుపై ఎంక్వైరీకి రాగా విషయం తెలిసి కూడా సి.ఇ.ఓ. సెలవు పెట్టినాడు. ఆ తర్వాత ఎంక్వైరీకి వచ్చిన అధికారి, చైర్మన్, సి.ఇ.ఓ. మా డైరక్టర్లకు తెలియజేయకుండా ఎక్కడో కూర్కొని తూతూ మంత్రంగా ఎంక్వైరీ చేయకుండానే చేసినట్లుగా సి.ఇ.ఓ., చైర్మన్, వచ్చిన అధికారి, అప్పటి శాసన సభ్యులు కుమ్మక్కై శాసన సభ్యుని ఆఫీస్ లో కూర్చొని వారి ఇష్టానుసారముగా చేసుకొని వెళ్ళినారు. కానీ ఇట్టి అవకతవకలకు పాల్పడిన చైర్మన్, సి.ఇ.ఓ.ల పై ఏలాంటి చర్యలు గైకొనలేదు. కావున ముందుగా వీరిని తక్షణమే పదవుల నుండి తొలగించి, వారిపై తదుపరి చర్యలు తీసుకొనగలరని కలెక్టర్కు సోమవారం అందజేసిన వినతిపత్రంలో పేర్కొన్నారు. వెంటనే స్పందించిన కలెక్టర్ వెంకట్రావు తక్షణం తగు చర్యలు తీసుకోవడం జరుగుతుందని తెలిపారు..
-----------------------
Admin
మరిన్ని వార్తలు
.jpg)
.jpg)
1.jpeg)
.jpeg)
.jpeg)
Developed By :
