మధిర పట్టణం చాలా చారిత్రాత్మకమైన పట్టణం... -భట్టి భట్టి విక్రమార్క
సర్కార్ టీవీ న్యూస్ / ఖమ్మం జిల్లా : మధిర పట్టణంలోని పలు ప్రాంతాలలో సోమవారం నాడు ఖమ్మం జిల్లా మధిర నియోజకవర్గ శాసన సభ్యులు, తెలంగాణ రాష్ట్ర సీఎల్పీ నేత మల్లు భట్టి విక్రమార్క ముమ్మరంగా పర్యటించడం జరిగింది. ఈ సందర్భంగా ఏర్పాటు చేసిన ప్రత్యేక పత్రిక సమావేశంలో వారు మాట్లాడుతూ. హైద్రాబాద్ రాష్ట్ర స్వాతంత్య్రం కోసం పోరాటానికి చేయూత అందించిన ప్రాంతం మధిర అని అన్నారు. నాడు హైదరాబాద్ రాష్ట్రం స్వాతంత్య్రం కోసం పోరాటం చేస్తున్న రోజుల్లో సర్దార్ జమలాపురం కేశవరావు నాయకత్వంలో హైద్రాబాద్ కాంగ్రెస్ పార్టీ అధ్యక్షుడుగా ఉన్న స్వామి రామానంద తీర్థ నిజాం నవాబ్ రజాకార్లతో పోరాటం చేస్తున్న సమయంలో గాయాలు అయిన వారికి ఇక్కడ శిబిరాలు ఏర్పాటు చేసి వారికి అండగా ఉండి మరలా వారిని పోరాటానికి సన్నద్ధం చేసిన ప్రాంతం ఈ మధిర అని అన్నారు. ఇలాంటి ప్రాంతం వేగంగా అభివృద్ధి చెందాలి అన్నదే నా కోరిక, నా ప్రయత్నం అని, ఇలాంటి ప్రాంతం వ్యవసాయ ఆధారిత ప్రాంతం దానికి తోడుగా విద్య, పారిశ్రామికంగా కూడా అభివృద్ధి చెందితే మధిర ప్రాంతానికి తిరుగుండదని తెలిపారు. విద్య అభివృద్ధిలో భాగంగా మనం వ్యవసాయ పాలిటెక్నిక్ కళాశాల, రెగ్యులర్ పాలిటెక్నిక్ కళాశాల ఏర్పాటు చేసుకోవడం జరిగిందని, అలాగే జే. ఎన్. టి. యు లాంటి కలశాల కూడా ఒకటి కావాలని కోరడం జరిగిందని, అందుకు నా ప్రయత్నం చేస్తానని తెలిపారు. గతంలో అనేక రెసిడెన్షియల్ పాఠశాలలు ఏర్పాటు చేసుకున్నామని, అలాగే కస్తూరిబా లాంటి రెసిడెన్షియల్ పాఠశాలలు కూడా ఏర్పాటు చేసుకున్నామని వాటికి అనుబంధంగా రెసిడెన్షియల్ డిగ్రీ కళాశాల ఏర్పాటు చేయాలని అన్నారు. అదేవిధంగా మారుతున్న పారిశ్రామిక, ఆధునిక అవసరాలకు అనుగుణంగా సైన్స్ అండ్ టెక్నాలజీ విభాగాలతో ఆ డిగ్రీ కలశాల ఉండాలి అని ప్రయత్నం చేస్తున్నానని తెలిపారు. అలాగే ఇండస్ట్రియల్ పార్క్ పెట్టాలని కూడా ప్రయత్నం ఉన్నదని, నేను మొదట నుండి చెప్పేది మధిర పట్టణానికి అండర్ గ్రౌండ్ డ్రైనేజ్ సిస్టమ్ అవసరం తద్వారా పట్టణం పరిశుభ్రంగా, దోమల బెడద, పందుల బెడద లేకుండా ఉంటుందని, దానికోసం మొన్న అసెంబ్లీలో మాట్లాడానని. అందుకు కృషి చేస్తానని తెలిపారు. మధిరలో ప్రవేశించడానికి అలాగే బయటకు వెళ్ళడానికి ఒక్కటే రహదారి ఉన్నదని, అందువలనే మధిర విస్తరణ కూడా వేగవంతంగా జరగడంలేదు అందుకు అనుగుణంగా సమాంతరంగా రహదారులు అభివృద్ధి చేయాలని, తగు ప్రణాళికల అందుకు సిద్ధంగా ఉన్నాయని, ఇందిరా డైరీ ఏర్పాటు కూడా అవసరం వ్యవసాయ ఆధారిత పరిశ్రమ కు సంబంధించి ఇందిరా డైరీలో అందర్నీ భాగస్వాములు చేసి ఇది ఏర్పాటు చేయాలని ఆలోచనా అందుకు కూడా నా ప్రయత్నం చేస్తానని తెలిపారు.
-----------------------
Admin
మరిన్ని వార్తలు
.jpg)
.jpg)
1.jpeg)
.jpeg)
.jpeg)
Developed By :
